النشرة اليومية 7

by nasirelwatn Sat Oct 15, 2011 2:34 am

بسم الله الرحمن الرحيم

50% امتياز

النشرة اليومية 7

...
ازيكم يا دكاترة عاملين ايه ؟ النهاردة كان يوم مش طويل اوى ( الحمد لله ) معظمنا خلص الساعة 2 وطبعا فيه شوية مننا ( ربنا يكون فى عونهم ) خلصوا الساعة 4 عشان كان عندهم سكشن فارما ( باين مستقصدينهم) النهاردة زى ما اتعودنا هنقول اللى حصل فى اليوم وايه اللى نزل فى النشرة اليومية يلا نبتدى النشرة .

1-الحمد لله تيم 50%امتياز نزل محاضرة الفيتو والهوسبيتال وبرى لاب الهوسبيتال اللى خدناهم يوم الاحد وبرى لاب الميكرو اللى اخدناه النهاردة وانتظروا باقى المحاضرات قريبا

2-جدول الفيتو وجدول الميكرو نزلوا ( الحمد لله ) وهنزلهم فى ملف ورد بعد النشرة

3-بكره يبدا حجز اللوكرات عند عم عثمان ( يلا الحقوا احجزوا )

4-مفيش معامل صيدلانيات يوم الاربعاء فى الاسبوع ده ( الحمد لله)

5-يوم الخميس محاضرة الceutics هتتقسم من الساعة 8-10.30 محاضرة دكتورة داليا
ومن الساعة 10.30-11 محاضرة البرى لاب ( طبعا عارفين كلنا ان ده كلام نصف ساعة برى لاب بس )

نبتدى دلوقتى مع المحاضرات واللى حصل فيها

A- محاضرة الفارما

1- طبعا عارفين ان المحاضرة بتبتدى من الساعة 8.30 وبتدينا المحاضرة دكتورة امانى

2- طبعا يا دكاترة المحاضرة مفهاش اى اخبار جديدة ( يلا خيرها فى غيرها )

B- محاضرة البارا سيتولوجى

1-طبعا عارفين ان المحاضرة بتبتدى الساعة 10 وبيدينا دكتور رمضان الدومينى

2-دكتور رمضان قال ان الجروب المخصص لاعتماد الكلية اتعمل وبمجرد ما هيحط الداتا عليه هيفتحه لكل الناس

3-دكتور رمضان قال ان المحاضرة الجاية هو عايز بريزينتيشن صغيرة (يجى خمس سليد كده)

عن الPNEUMONIA وهيبقى فيه كومبيتيشن بين اللى هيعملوها واللى هيكسب ليه عليها BONUS (يعنى مش اجبارى )

4-دكتور رمضان حاول يعرض فيديو لل EPSF بس مكانش فيه صوت فقال انه هيعرضه المرة الجاية

C- محاضرة البرى لاب

1-البرى لاب هينقسم الى برى لاب للباراسيتولوجى وبعد كده برى لاب للميكرو كل اثنين عشان نشتغل فى سكشن الميكرو علطول (حراااااااام)

2-الحلو فى الموضوع ان مفيش سكاشن فى الباراسيتولوجى العملى بتاعها هو فى المدرج

3-عملى الباراسيتولوجى عبارة عن صور وكلام عن الامراض

4-الامتحان بيجى يقولك اتعرف على الصورة واكتب DEFINITION

5-الدكتورة قالت مفيش تصوير فى البرى لاب

6-الصور هنجيبها منين ؟ الدكتورة قالت ان دكتور رمضان هينزلنا اطلس فيه الصور دية بس اتفقوا معاه ينزلهولكوا ( وده بيحصل كل سنة )

7-بكره يوم الثلاثاء عملى الميكرو للدفعة كلها

8-الجدول مصمم بحيث يختلف من اسبوع لاسبوع ( هتفهموا لما تقروا الجدول اغرب جدول شفته فى حياتى)

طيب بكره عندنا ايه ؟

بكره سكشن الميكرو لكل الدفعة وسكشن فارما لناس وناس